📝 ✅ დესპანთა გაერთიანების პრეზიდენტის არჩევნები

2025-10-16

📌 სკოლაში მიმდინარე დესპანთა გაერთიანების პრეზიდენტის კანდიდატების საარჩევნო კამპანია აქტიურად მიმდინარეობს.

🎙️ამჯერად გთავაზობთ ინტერვიუს, კანდიდატ - გიორგი მჭედლიშვილთან.

"❓ვინ ხართ თქვენ და რატომ უნდა მოგცეთ ხმა სკოლის სივრცეში?

🗣️ მე ვარ გიორგი მჭედლიშვილი, ადამიანი, რომელიც არ ელოდება ცვლილებას, არამედ თვითონ ქმნის მას. ვიცი და მჯერა, რომ რეალური შედეგი მოქმედებით მოდის და არა ლაპარაკით. მე არ მეშინია პასუხისმგებლობის, პირიქით, სწორედ პასუხისმგებლობა მაძლევს ძალას. მე ვარ ლიდერი, რომელიც არ იმალება გუნდს მიღმა- მე ვდგავარ მათთან ერთად, ვუსმენ ყველას და ვზრუნავ, რომ თითოეულმა მოსწავლემ იგრძნოს მისი აზრის მნიშვნელოვანება.

მინდა სკოლა, სადაც ყველას აზრის მოსმენა რეალობაა, სადაც იდეა შეიძლება რეალობად იქცეს. მინდა, რომ სკოლაში იყოს მეტი ენერგია, აქტიურობა და ერთიანობა, ღონისძიებები, გუნდური თამაშები, საინტერესო პროექტები და შესაძლებლობა, რომ თითოეულმა მოსწავლემ მეტად გამოავლინოს თავისი ძლიერი მხარე. მე მინდა, რომ ჩვენი სკოლა გახდეს უფრო ერთიანი გუნდი, სადაც მასწავლებლები და მოსწავლეები ერთად შექმნიან პროგრესს, ურთიერთპატივისცემით და საერთო მიზნებით.

სკოლა, სადაც ენერგია, იდეები და პასუხისმგებლობა ერთდება და ქმნის ცვლილებას - სკოლის მომავალს ასეთად ვხედავ.

❓უფრო კონკრეტულად რომ გვითხრათ, რა გეგმები გაქვთ თქვენ?

🗣️ ჩემი გეგმები იყოფა ორნაწილად:

📌რის შეცვლას ვაპირებ?

📌 ვინ ხართ თქვენ და რატომ უნდა მოგცეთ ხმა სკოლის სივრცეში?

დავიწყოთ იმით, რომ მინდა:

უკეთ ვანახო სხვა სკოლის მოსწავლეებს რა ხდება ჩვენს სკოლაში და რატომ უნდა აირჩიონ ჩვენი სკოლა.

შევქმნა გოგონების სპორტის უფრო მეტი ჯგუფი, მყავს ძალიან დიდი სანაცნობო წრე, რაც შესაძლებლობას მომცემს მეტი საინტერესო და მრავალმხრივი ადამიანი გავაცნო სკოლის მოსწავლეებს, ეს კი დაეხმარება ჩვენს მოსწავლეებს უფრო უკეთ გადაწყვიტონ თავიანთი მომავალი. მაქვს დამყარებული კავშირები სხვადასხვა კომპანიებთან, შემიძლია მოვიყვანო ხალხი ''ახალგაზრდა კრიმინოლოგთა ჯფუფი''- დან, რათა დავაინტერესო ხალხი სამართალით, გამოძიებით. მაქვს კავშირი კომპანიებთან რომლებიც ეხმარებიან მოსწავლეებს დაფინანსებით და გაცვლითი პროგრამებით.

❓თქვენი აზრით, რას ნიშნავს იყო კარგი სკოლის პრეზიდენტი?

🗣️ ჩემი აზრით, კარგი სკოლის პრეზიდენტი არ არის უბრალოდ ტიტული ან პოპულარული პოზიცია — ეს არის პასუხისმგებლობა, ლიდერობა და ნდობა. პრეზიდენტობა ნიშნავს იმას, რომ უნდა იყო ადამიანი, ვინც მოუსმენს ყველას, იმოქმედებს სამართლიანად და ყოველთვის იდგება სხვების გვერდით. კარგი პრეზიდენტი არ ემალება სირთულეებს, არამედ მოქმედებს მათ გადასაჭრელად. ის არ ამბობს „მე გავაკეთებ“, ამბობს — „ჩვენ ერთად გავაკეთებთ“. პრეზიდენტი უნდა იყოს ხიდი მოსწავლეებსა და სკოლას შორის — უნდა ახერხებდეს გააერთიანოს ადამიანები, გერერირებდეს იდეებს, მოუსმინოს ყველას და ყველას მისცეს შანსი, რომ რაღაც შეცვალოს. ჩემთვის კარგი პრეზიდენტი არის მაგალითი — ადამიანი, რომელიც ასწავლის, რომ თუ გჯერა შენი მიზნის, შეგიძლია ყველაფერი. ის არის ენერგია, მოტივაცია და ხმა თითოეული მოსწავლისთვის. მე მინდა ვიყო სწორედ ასეთი ლიდერი — მოქმედი, გამტანი და ძლიერი გუნდის შემქმნელი. პრეზიდენტი, რომელიც არ ლაპარაკობს ცვლილებაზე, არამედ ქმნის მას. იმიტომ რომ ჩემთვის ეს პოსტი არ არის პრივილეგია — ეს არის შანსი, რომ ჩვენი სკოლა გავხადო უკეთესი, ერთიანი და შთამაგონებელი გარემო ყველასთვის.

❓თქვენ როგორ ფიქრობთ მარტო შეძლებთ ამ ყველაფერს?

🗣️ როგორც უკვე ზემოთ ვახსენე, მე არ ვაპირებ ვიყო ერთმართველი ლიდერი, მე ვფიქრობ რომ ერთ-ერთი გზა რითიც შემეძლება ჩემი იდეების განხორციელება და სწორი გადაწყვეტილებების მიღება არის დესპანთა ჯგუფი. მე მოვისმენ მათ აზრებს და მათ შეხედულებებს, მოვისმენ კლასის მოსწავლეების ჩივილს, პრობლემებს, შენიშვნებს, რის შემდეგაც დესპანთა ჯგუფის დახმარებით სწორად განვსაზღვრავ ჩემს არჩევანს ან პრობლემის გადაჭრის გზას."